آزاد کشمیر میں ترقیاتی منصوبوں کی موثر مانیٹرنگ کا حکم

وزیراعظم آزاد کشمیر چوہدری انوارالحق کی زیرصدارت آزادکشمیر کے محکمہ جات کے ترقیاتی جائزہ اجلاس منعقد ہوا.

اجلاس میں پرنسپل سیکرٹری ظفر محمود خان,سیکرٹری منصوبہ بندی وترقیات عامر لطیف اور دیگر متعلقہ افسران نے شرکت کی.

اجلاس میں وزیراعظم آزاد کشمیر کو مواصلات, فزیکل پلاننگ اینڈ ہاؤسنگ, ٹورازم, آئی ٹی, لوکل گورنمنٹ و دیہی ترقی سمیت تمام ڈویلپمنٹ سیکٹر وائز تفصیلی بریفنگ دی گئی. وزیراعظم نے تمام محمکہ جات کے حکام کو ہدایت کی کہ تمام سیکٹرز میں بروقت اخراجات کو یقینی بنایا جائے. انہوں نے کہا کہ منصوبہ جات کی موثر مانیٹرنگ کو یقینی بنایا جائے. وزیراعظم نے کہا کہ سیکٹروائیز ریلیز اور اخراجات کی تفصیل تین دن کے اندر اندر فراہم کی جائے.

انہوں نے کہا کہ عوامی نوعیت کے منصوبہ جات کو فوری طور پر مکمل کیا جائے اور منصوبہ جات کی پراگریس رپورٹ پیش کی جائے. وزیراعظم آزادکشمیر چوہدری انوارالحق نے کہا کہ ترقیاتی منصوبوں کو تصریحات کے مطابق بروقت مکمل کیا جائے، کام کی رفتار اور معیار پر کوئی سمجھوتہ نہیں کیا جائے گا۔ جب منصوبوں کی بروقت تکمیل نہیں ہوتی تو ان کی لاگت بڑھ جاتی ہے جس کا بوجھ قومی خزانے پر پڑتا ہے۔ اس لیے ضروری ہے کہ ترقیاتی منصوبوں کو ہر صورت معیار کے مطابق مقررہ مدت میں مکمل کیا جائے