آزاد کشمیر کی حکومت نے ریاست بھر کی مساجد کو 200 یونٹ تک بجلی مفت فراہم کرنے کے فیصلے پر عملدرآمد کرتے ہوئے اس حوالے سےنوٹیفکیشن جاری کردیا۔
محکمہ برقیات کے جاری کردہ نوٹیفکیشن میں آزاد کشمیر بھر کے مہتمم اوپریشن ڈویژنز کو ہدایت کی گئی ہے کہ جن جن مساجد میں بجلی کے میٹر نصب ہیں اور کام کررہے ہیں ان کی تفصیل مہیا کی جائے گی۔
جن مساجدکے میٹر لگے ہوئے ہیں اور کام کررہے ہیں اُن کے 200 یونٹ تک کا بل آزاد کشمیر حکومت ادا کرے گی۔عوام کی جانب سے حکومت کے اس اعلان پر خوشی کا اظہار کیا گیا ہے.
واضح رہے کہ قبل ازیں آزاد کشمیر کے وزیر اطلاعات پیر مظہر سعید شاہ کی تحریک پر وزیراعظم چوہدری انوارالحق نے مساجد کے لیے 200 یونٹ تک بجلی فری کرنے کا اعلان کیا تھا، اس سلسلے میں اب باقاعدہ نوٹیفکیشن جاری کردیا گیا ہے۔
Free electricity up to 200 units for mosques in Azad Kashmir،آزاد کشمیرمیں مساجد کیلئے 200 یونٹ تک بجلی مفت
