آزاد کشمیر میں مساجد کیلئے 200 یونٹ تک بجلی مفت

جن مساجدکے میٹر لگے ہوئے ہیں اور کام کررہے ہیں اُن کے 200 یونٹ تک کا بل آزاد کشمیر حکومت ادا کرے گی۔عوام کی جانب سے حکومت کے اس اعلان پر خوشی کا اظہار کیا گیا ہے.

واضح رہے کہ قبل ازیں آزاد کشمیر کے وزیر اطلاعات پیر مظہر سعید شاہ کی تحریک پر وزیراعظم چوہدری انوارالحق نے مساجد کے لیے 200 یونٹ تک بجلی فری کرنے کا اعلان کیا تھا، اس سلسلے میں اب باقاعدہ نوٹیفکیشن جاری کردیا گیا ہے۔