راولا کوٹ ،بنجوسہ جھیل میں ڈوبنے والے دو نوجوانوں کو کیسے بچایا گیا؟

muhammad aamir 5 فروری, 2024 10:38 شام 21 مناظر

آزاد کشمیر کے علاقے راولاکوٹ میں واقع بنجوسہ جھیل میں ڈوبنے والے دو نوجوانوں کو بچا لیا گیا۔

بنجوسہ جھیل آزاد کشمیر کے ضلع پونچھ کی تحصیل راولاکوٹ سے 18 کلومیٹر کے فاصلہ پر واقع ہے۔

یہ ایک مشہور سیاحتی مقام ہے، جو موسم گرما اور سرما دونوں میں انتہائی خوبصورت نظر آتی ہے۔

یہاں ہر موسم میں سیاحوں کا رش رہتا ہے، خصوصاً موسم سرما میں جھیل کے منجمد ہونے پر لوگ اسے دیکھنے کیلئے یہاں کا رخ کرتے ہیں۔

ایسے ہی سیاحوں میں شامل دو منچلوں نے جمی ہوئی جھیل پر چلنے کی کوشش کی اور برف کچی ہونے کے باعث ٹھنڈے پانی میں گر پڑے۔

دونوں نوجوانوں کو کافی دیر کی مشقت کے بعد ریسکیو کیا گیا اور انہیں ڈوبنے سے بچا لیا گیا۔