راولپنڈی،میٹرو بس میں چوریاں کرنے کے الزام میں3 خواتین کو گرفتار

راولپنڈی،میٹرو بس میں چوریاں کرنے کے الزام میں3 خواتین کو گرفتار

ترجمان پولیس کا کہنا ہے کہ ملزمان خواتین کئی مقدمات میں مطلوب تھیں
ترجمان راولپنڈی پولیس کے مطابق تھانہ وارث خان پولیس نے اہم کارروائی کے دوران راولپنڈی اسلام آباد میٹرو بس سروس میں چوری کی وارداتیں کرنے والے تین رکنی خواتین کو گرفتار کرلیا ہے، گرفتار خواتین سے موقع پر دو مسروقہ موبائل فون اور چار لاکھ سے زائد رقم برآمد کی گئی ہے۔
پولیس کے مطابق خواتین گینگ کی ارکان میٹرو بس میں سوار ہوکر مسافر خواتین کے ساتھ وارداتیں کرتی تھیں، گرفتار خواتین نے دوران تفتیش درجنوں وارداتوں کا انکشاف کیا ہے۔
ترجمان پولیس کے مطابق گرفتار خواتین سے مزید تفتیش کی جارہی ہے۔