پیٹرول اور ڈیزل پر تیل کمپنیوں اور ڈیلرز کا مارجن مزید بڑھا دیا گیا

نگران حکومت عوام سے ہاتھ کر گئی اور پیٹرولیم مصنوعات پر عوام تک مکمل ریلیف نہیں پہنچایا گیا۔

نگراں حکومت کی جانب سے پیٹرول اور ڈیزل پر تیل کمپنیوں اور ڈیلرز کا مارجن مزید بڑھا دیا گیا ہے، جب کہ ہائی اسپیڈ ڈیزل اور پیٹرول پر پٹرولیم لیوی کی شرح برقرار رکھی گئی ہے۔

پٹرول اور ڈیزل پر تیل کمپنوں اور ڈیلرز کے مارجن میں 88 پیسے فی لیٹر مزید اضافہ کردیا گیا ہے۔ جس میں سے تیل کمپنیوں کا مارجن 47 پیسے فی لیٹر اور ڈیلرز کے لئے 41 پیسے کا اضافہ کیا گیا ہے۔

یہ بھی پڑھیں پیٹرول ڈیزل معمولی سستا،ایل پی جی 11 روپے کلو مہنگی کر دی گئی

ذرائع کے مطابق اضافے کے بعد پیٹرول پر او ایم سی مارجن 6.47 روپے سے بڑھ کر 6.94 روپے

فی لیٹر اور ڈیزل پر 6.70 روپے سے بڑھ کر 7.17 روپے فی لیٹر ہوگیا ہے۔

جب کہ پیٹرول اور ڈیزل دونوں پر ڈیلرز مارجن 7.41 روپے سے بڑھ کر 7.82 روپے فی لیٹر ہو گیا ہے۔