آزاد کشمیر کے صدر بیرسٹر سلطان محمود چوہدری نے مطالبہ کیاہے کہ برطانیہ مسئلہ کشمیر کے حل کے لئے اپنا کردار ادا کرے ان کا کہنا ہے کہ جنوبی ایشیاء میں امن کی کنجی مسئلہ کشمیر کے حل میں مضمر ہے اور یہ مسئلہ اُس وقت پیدا ہوا جب برطانیہ اپنے دو سو سالہ اقتدار کے خاتمے پر برصغیر سے روانہ ہوا۔
گزشتہ76 سال سے مسئلہ کشمیر حل طلب ہے اور کشمیری عوام اپنے حق خودارادیت کے لئے جدوجہد کر رہے ہیں لہذا انٹرنیشنل کمیونٹی بالخصوص برطانیہ کشمیری عوام کو اقوام متحدہ کی قراردادوں کے مطابق اُن کا حق خودارادیت دلوانے کے لئے اپنا رول ادا کرے۔
ان خیالات کا اظہار انہوں نے آج یہاں ایوان صدر کشمیر ہاؤس اسلام آباد میں برطانیہ کی ڈپٹی ہائی کمشنر مس زوئے وئیر کی قیادت میں برطانوی ہائی کمیشن کے ایک وفد سے تفصیلی ملاقات میں گفتگو کرتے ہوئے کیا۔ اس موقع پر وفد میں برطانیہ کی ڈپٹی ہائی کمشنر مس زوئے وئیر کے علاوہ پولیٹیکل آفیسر رس مک پارٹلینڈ اور پولیٹیکل ایڈوائزر مس عدیلہ خان شامل تھے۔
ملاقات میں صدر ریاست آزادجموں وکشمیر بیرسٹر سلطان محمود چوہدری نے برطانوی ہائی کمیشن کے وفد کو مقبوضہ کشمیر اور مسئلہ کشمیر کی تازہ ترین صورتحال پر بریفنگ دی۔
Barrister Sultan's urges Britain to play a role in the solution of Kashmir,
بیرسٹر سلطان کا برطانیہ سےکشمیر کےحل میں کردارادا کرنےکا مطالبہ
