💗 غزل 💗

کھلتے ہی آنکھ  وقت پہ دفتر پہنچ گیا
فریاد لے کے میں سر محشر پہنچ گیا

خطرے کی بات یہ ہے کہ سوئے ہوئے ہیں ہم
سیلاب  اونچے ٹیلوں کے اوپر پہنچ گیا

وہ فتنہ عظیم جو آنا تھا دہر میں
بوندوں کی مثل آج وہ گھر گھر پہنچ گیا

میرے خدا نے بخشا ہے ذہن رسا مجھے
میں نکتہ عمیق کو اکثر پہنچ گیا

پھر شام ہوتے ہی میں کسی کنج باغ میں
اوڑھے ہوئے اداسی کی چادر پہنچ گیا

آنکھوں سے یوں پیام رسانی ہوئی کہ بس
اس کو پیام عشق برابر پہنچ گیا

ساحر! یہ آرزو تھی کہ دیدار یار ہو
صحرا کے پاس خود ہی سمندر پہنچ گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

✍️  پرویز ساحر۔۔ ایبٹ آباد’ پاکستان