پہاڑی غزل

نَویاں برفاں ، درد پرانے
یخ موسم تے تَتّے اتھروں

بچے ، درد دلےچ نئے رکھنے
سَٹنے مٹے مٹے اتھروں

سن افسانہ چاں حرفاں ناں
شاماں، یاداں ،چِھپرے،اَتھروں

کدے کدے تقریراں کرنے
چپ اَکّھیں تے کَلّے اتھروں

جد وی کسے کی رونا دکھیا
فِر میں وی نئے روکے اتھروں

ظلم نی اگ تے خون ہِسانا
کیہ کرسن اے کَہلّے اتھروں

تَسویاں رولنے والے رئی گے
تری گے جِنّاں رولے اتھروں

در در روئی تے چہلیاں لوکاں
بے مُل سٹّے مَہنغے اتھروں

دل کرنا اُس رب نی رہ وِچ
ڈَوہلاں خون ، پسینے ، اتھروں

شاہد ، دل نئے تُہلنے ناں تے
ڈُلن کالے کالے اتھروں

۔۔۔۔
شاہد ریاض عباسی