کتاب نال مڑی ناطہ قائم کرو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کتاب کہل یت نی سنگی یے نیئی بلکن یاء ہک استاد وی تھیئی۔ کتاباں پڑھنے نال علم وچ بادھا تے ہوناں یے آ، اس نال انسان نی شخصیت اپر وی بہوں چنگا اثر پیناں۔ اس کی بدقسمتی ہے آخی سکنے او جے اج کل کہراں وچ کتاباں صرف سجاوٹ آستے کوئی رکھے تے رکھے ورنہ مطالعے نی عادت بدقسمتی نال اساں نے لوکاں وچا مکنی جلنی۔۔
میں عموما مطالعہ نے حوالے نال احباب کی درخاس کرناں رہناں یاں۔ اپنے انصاف نال دسو زیادے نہ سہی مہینے وچ اپنی پسند نی ہک کتاب خریدنا کوئی بہوں اوخا کم آ؟۔
کئی سنگی آخنے کتاب بہوں مہنغی ہوئی گی۔ سچی گل ای۔ پر صرف کتاب نی نئیں ہر چیز نی قیمت بدھی گی۔ فر وی مہنغپائی نیں باوجود اساں مٹھائیاں، کیک، پیزے پھل، تے فیشن تے میک اپ نیاں چیزاں نیاں چھوڑیاں۔۔ کدے اساں خریداری ترک کیتی تے صرف کتاب نی۔
کدے اساں نی نیت صاف ویہہ تے۔۔۔۔۔ اولڈ بک شاپ وی دکھی سکنے آں۔ ممکن آ سو، دو سو روپیے وچ کوئی چنگی کتاب لبھی گچھے۔
پر کھلو۔۔۔۔۔۔ اس سی وی بہتر آ کہ کمیٹی چوک رمیل ہاؤس آف پبلی کیشنز ناں چکر لاؤ تے کوہسار نیوز نی معرفت نال 50 فی صد رعایت اپر اپنی مرضی نی کتاب خریدو تے پڑھنے سی بعد کسے ہور سنگی کی تحفہ چائی دیو۔ (فون نمبر برائے رابطہ 0515551519. وسیم عباس
)
تساں بہوں مصروف یو؟؟؟ چنگا۔۔ فیر اس ناں حل یوہ آ جے تساں کتاب کورئیر نے ذریعے منگائی کہنو۔
بتی نال بتی بلسی تے لو لوایرے ہوئی گیسن۔ ان شاءاللہ۔۔۔ آزمائش شرط ای
