اَچّھو! رلی تے پہاڑی زبان کی مرنے سی  بچائیے

یقیناً تساں کی پتہ ہوسی کہ مقبوضہ کشمیر وچ پہاڑی زبان نی اکیڈمی موجود ای۔ تے اُتّھیں بہوں علمی ادبی کم ہوناں۔ پہاڑی ادب نی کئی سو کتاب چھپّی چُکی۔ قرآن پاک ناں پہاڑی زبان وچ ترجمہ چھپی چکیا۔ ادبی رسالہ شیرازہ متواتر چَھپناں۔ اس اکیڈمی کی اس نے بننے سی ہِس مقام توڑی پوہچانے والے تے پہاڑی زبان واستے بہوں کَم کرنے والے (بابائے پہاڑی) کریم اللہ قریشی ہور کافی عرصے سی مظفر آباد وچ مقیم اے۔

لَکھ لَکھ سلامیاں اُنھاں کی تے ہور سارے ماء بولی نیں خذمت گاراں کی۔۔ اساں کی ہن سمجھی گشناں چائیناں جے حکومتاں ماء بولیاں کی بچانے واستے سنجیدہ نئیاں۔ اِس واستے اَساں کدے ہمت کریے تے ذاتی جُہدی نال وی اِتّھیں پہاڑی زبان نی اکیڈمی بنائی تے کریم اللہ قریشی ہوراں جئے لوکاں نے علم تے تجربے سی فائدہ چائی سَکنے آں۔۔ ان شاء اللہ اِسرے اَساں اپنی ماء بولی کی بڑیاں زباناں نے مقابلے وچ پیش کرنے نے قابل ہوئی گیساں۔

میں ہک واری فِر درخاس کَرساں کہ معاملے نی سنگینی ناں احساس کرو۔ جاغی گَچّھو۔ اپنی ماؤ نی مِٹّھی زبان کی بچانے واستے جُہدی ناں حِصہ بَنو۔