جشن آزادی پر مری کیلئے جامع ٹریفک پلان تیار

۔

مری آنیوالے سیاحوں کو مکمل سفری سہولیات کے ساتھ ساتھ دیگر سروسز بھی فراہم کی جائیں گی

جبکہ اضافی نفری تعینات کرتے ہوئے انکی سپیشل ڈیوٹیاں لگا دی گئی ہیں جن کی نگرانی ڈی ایس پی ٹریفک مری ابرار سرور قریشی کریں گے

،سی ٹی او تیمور خان نے بتایا کہ مری میں ہیوی ٹریفک کا داخلہ صبح 06 بجے سے رات02 بجے تک مکمل بند رہے گا۔

بسیں اور دیگر بڑی گاڑیاں مری بروری چونگی اوربانسرہ گلی سے آگے نہیں جا سکیں گی

جبکہ آزاد کشمیر جانےوالی گاڑیاں ایکسپریس وے استعمال کر سکیں گی،

جی پی او  چوک، جھیکا گلی چوک، کلڈنہ چوک اور سنی بنک چوک کے گردونواح میں 200میٹر تک

ہر قسم کی پارکنگ پر مکمل پابندی ہو گی

جبکہ جی پی او چوک کو پارکنگ فری قرار دیا گیا ہے،

ان کا کہنا تھا کہ مری میں سب سے بڑا مسئلہ پارکنگ  کی عدم دستیابی ہے لہذا سیاح  صرف مختص شدہ جگہوں پر گاڑیاں پارک کریں۔

انہوں نے کہا کہ مری آنے والے سیاحوں کی مری ٹریفک پلان سے متعلق مکمل آگاہی کے لیئےمین چوراہوں

پر بذریعہ پبلک ایڈریس سسٹم، آگاہی بورڈز اور بینرز آویزاں کرنے کے ساتھ ساتھ آگاہی پمفلٹس بھی تقسیم کیئے جائیں گے،

بھکاریوں کے خلاف سخت ایکشن لیا جائے گا،پانی والے ٹینکرز اور فوڈ سپلائی گاڑیوں ماسوائے ٹرک

اور ہیوی گاڑیاں کو رات تین بجے سے صبح سات بجے

تک پانی اور سٹی ایریا میں فوڈسپلائی کی اجازت ہو گی۔

انہوں نے بتایا کہ پکٹ کلڈنہ چوک، پکٹ بانسرہ گلی، بائی پاس ٹرن، لوئر ٹوپہ ٹرن، مسیاڑی ٹرن، سالگراں،

تریٹ چوکی سترہمیل ٹول پلازہ،ایم آئی ٹی، شوالہ محلہ،دیول شریف، باڑیاں، ڈبل موٹروے ٹرن اور جھیکاگلی سے آگے

موٹر سائیکل اور ہیوی ٹریفک کا داخلہ مری میں ممنوع ہو گا، چودہ اگست جشن آزادی کے موقع پر بغیر فیملی کے موٹر سائیکلز سوار، ویلر، بغیر نمبر پلیٹ، کم عمر کو کسی بھی صورت مری میں داخل نہ ہونے دیا جائے گا اور ان کے خلاف سخت کاروائی عمل میں لائی جائے گی۔۔