پنجگور کے علاقے جیدگی میں فائرنگ کے ایک واقعے میں 6 افراد جان کی بازی ہار گئے۔
پولیس حکام کے مطابق سرحدی علاقے میں نامعلوم مسلح افراد نے اچانک فائرنگ کی، جس کے نتیجے میں متعدد افراد موقع پر ہی جاں بحق ہوگئے۔ واقعے کے بعد حملہ آوروں نے دو گاڑیوں کو آگ لگا دی اور فرار ہونے میں کامیاب ہو گئے۔
پنجگور پولیس کے مطابق لاشوں کو قریبی طبی مرکز منتقل کر دیا گیا ہے جبکہ علاقے کو گھیرے میں لے کر شواہد اکٹھے کیے جا رہے ہیں۔ سیکیورٹی فورسز نے ملزمان کی تلاش کے لیے کارروائی شروع کر دی ہے۔
حکام کا کہنا ہے کہ واقعے کی وجوہات جاننے کے لیے تحقیقات جاری ہیں اور مزید تفصیلات سامنے آنے پر فراہم کی جائیں گی۔
