لاہور: سابق آرمی چیف جنرل (ر) قمر جاوید باجوہ گھر میں حادثے کے باعث زخمی ہوگئے۔
خاندانی ذرائع کے مطابق جنرل (ر) قمر جاوید باجوہ منگل کی صبح تقریباً ساڑھے چار بجے اپنے گھر کے واش روم میں گر گئے، جس کے نتیجے میں ان کے سر پر چوٹ آئی۔
ذرائع کا کہنا ہے کہ انہیں فوری طور پر طبی امداد کے لیے اسپتال منتقل کیا گیا جہاں وہ اس وقت آئی سی یو میں زیر علاج ہیں۔
اہل خانہ کے مطابق ڈاکٹروں کی ٹیم ان کی حالت کی مسلسل نگرانی کر رہی ہے۔ مزید تفصیلات سامنے آنے پر جاری کی جائیں گی۔
