استنبول میں امریکہ ایران مذاکرات،پاکستان کو مدعو کر لیا گیا

دفترِ خارجہ کے ترجمان طاہر اندرابی کے مطابق پاکستان کی جانب سے ان مذاکرات میں نمائندگی کے حوالے سے مشاورت جاری ہے اور ایک سے دو دن میں حتمی فیصلہ کر لیا جائے گا۔ انہوں نے کہا کہ یہ طے کیا جا رہا ہے کہ پاکستان کی نمائندگی کس سطح پر کی جائے گی۔

ترجمان کے مطابق امریکہ اور ایران کے درمیان یہ مذاکرات ترکیہ کے ساحلی شہر استنبول میں منعقد ہوں گے۔ وزارتِ خارجہ کا کہنا ہے کہ پاکستان خطے میں امن اور سفارتی کوششوں کی حمایت کرتا ہے اور مذاکرات کے عمل کو مثبت پیش رفت سمجھتا ہے۔