بنگلہ دیش نے آئی سی سی ٹی 20 ورلڈ کپ کے بائیکاٹ کا اعلان کر دیا ہے۔ بنگالی میڈیا کے مطابق بنگلہ دیش نے بھارت میں شیڈول ٹی 20 ورلڈ کپ میں شرکت نہ کرنے کا فیصلہ کیا ہے۔ یہ فیصلہ سکیورٹی خدشات کے باعث کیا گیا ہے۔
بنگلہ دیش کے مشیر برائے کھیل آصف نذر الاسلام نے کھلاڑیوں سے مشاورت کے بعد باضابطہ طور پر بائیکاٹ کا اعلان کیا۔ ذرائع کے مطابق کھلاڑیوں نے بھی سکیورٹی صورتحال پر تحفظات کا اظہار کیا تھا۔
واضح رہے کہ آئی سی سی نے بنگلہ دیش کو ایونٹ میں شرکت کے حوالے سے حتمی فیصلہ کرنے کے لیے ایک دن کی مہلت دی تھی، تاہم مقررہ وقت کے اندر بنگلہ دیش نے ورلڈ کپ سے دستبرداری کا اعلان کر دیا۔
