پنجاب میں شدید دھند، مختلف موٹرویز پر ٹریفک معطل

ترجمان کا کہنا ہے کہ موٹرویز کی بندش کا مقصد شہریوں کی جان و مال کا تحفظ یقینی بنانا ہے، کیونکہ شدید دھند میں لین کی خلاف ورزی اور تیز رفتاری خطرناک حادثات کا سبب بن سکتی ہے۔ انہوں نے روڈ یوزرز کو ہدایت کی کہ لین ڈسپلن پر سختی سے عمل کریں اور غیر ضروری سفر سے گریز کریں۔

موٹروے پولیس کے مطابق شہری دن کے اوقات میں سفر کو ترجیح دیں، جبکہ دھند میں صبح 10 بجے سے شام 6 بجے تک کے اوقات نسبتاً محفوظ تصور کیے جاتے ہیں۔

مزید ہدایات میں کہا گیا ہے کہ ڈرائیور حضرات فوگ لائٹس کا استعمال لازمی کریں، گاڑیوں کے درمیان محفوظ فاصلہ رکھیں اور رفتار کم رکھیں۔ کسی بھی قسم کی رہنمائی یا مدد کے لیے موٹروے پولیس کی ہیلپ لائن 130 پر رابطہ کیا جا سکتا ہے۔