ٹانک ،ضلع ٹانک میں تھانہ ایس ایم اے پر ڈرون حملے کے نتیجے میں دو پولیس اہلکار زخمی ہو گئے۔ پولیس ذرائع کے مطابق حملہ اچانک کیا گیا جس کے باعث تھانے میں موجود اہلکار زخمی ہوئے۔
زخمی ہونے والوں میں تھانہ شہید مرید اکبر کے ایڈیشنل محرر ہیڈ کانسٹیبل احسان اور لیڈی ہیڈ کانسٹیبل آصف شامل ہیں۔ واقعے کے فوراً بعد دونوں زخمی اہلکاروں کو طبی امداد کے لیے قریبی اسپتال منتقل کر دیا گیا، جہاں ان کی حالت خطرے سے باہر بتائی جا رہی ہے۔
حملے کے بعد پولیس اور سیکیورٹی اداروں نے علاقے کو گھیرے میں لے کر سرچ آپریشن شروع کر دیا ہے، جبکہ واقعے کی تحقیقات بھی جاری ہیں۔ پولیس حکام کے مطابق تھانے کی سیکیورٹی مزید سخت کر دی گئی ہے۔
