ڈاکٹر وردہ مشتاق اغوا و قتل کیس میں دہشت گردی کی دفعات شامل

ایبٹ آباد میں لیڈی ڈاکٹر وردہ مشتاق کے دل دہلا دینے والے اغوا اور قتل کیس نے پورے شہر کو جھنجھوڑ کر رکھ دیا، شدید عوامی احتجاج کے بعد پولیس نے بالآخر انسدادِ دہشت گردی (ATA) کی سخت ترین دفعات کیس میں شامل کر دی ہیں۔

پولیس نے انسداد دہشتگردی کی خصوصی عدالت میں چار نامزد ملزمان بلاکلاتھ کے مالک وحید احمد، اس کی اہلیہ ردہ، ٹھیکیدار ندیم اور منشیات فروش پرویز کو پیش کرکے تین روزہ جسمانی ریمانڈ حاصل کر لیا ہے، تاہم کیس کا اہم ترین کردار اور مرکزی ملزم شمریز تا حال قانون کی گرفت سے باہر ہے۔ جس نے عوامی غم و غصے میں مزید اضافہ کر دیا ہے۔

عوام یہ سوال پوچھنے میں حق بجانب ہیں کہ مرکزی ملزم ابھی تک کیوں فرار ہے؟ پولیس کارروائی کی رفتار پر سنگین سوالات کھڑے ہو رہے ہیں۔