گاؤں نملی میرا میں تیندوے کی آمد، علاقے میں خوف و ہراس

ایبٹ آباد کے گلیات کے علاقے نملی میرا میں مقامی افراد نے صبح سویرے تیندوے کو دیکھا، جس کے بعد علاقے میں خوف و ہراس پھیل گیا۔ مقامی باشندوں نے فوری طور پر محکمہ جنگلی حیات کو آگاہ کیا۔

محکمہ وائلڈ لائف کی ٹیم فوری طور پر موقع پر پہنچی اور تیندوا کو پنجرا لگا کر محفوظ طریقے سے پکڑ لیا۔ بعد ازاں اسے بحفاظت وائلڈ لائف کے آفس منتقل کر دیا گیا، تاکہ جانور کو خطرے سے بچایا جا سکے اور علاقے میں امن قائم رہے۔

محکمہ وائلڈ لائف نے مقامی لوگوں سے اپیل کی ہے کہ جنگلی جانور دیکھنے کی صورت میں فوراً متعلقہ حکام کو اطلاع دیں تاکہ جانور اور انسان دونوں محفوظ رہیں۔