چوری کے شبے میں 8 افراد کو دہکتے انگاروں پر چلا دیا گیا

موسیٰ خیل میں چوری کے شبے میں 8 افراد کو قبائلی رسم کے تحت دہکتے انگاروں پر چلایا گیا، واقعے کی ویڈیو بھی سوشل میڈیا پر وائرل ہوگئی ہے۔ مقامی روایت کے مطابق اس رسم کے بعد متاثرہ تمام افراد کو بے گناہ قرار دے دیا گیا۔

علاقہ مکینوں نے الزام عائد کیا ہے کہ اس رسم کی سربراہی بزدار چراوہے اور غلام محمد نندوانی نے کی۔ ذرائع کے مطابق واقعے سے متعلق سرکاری اداروں کو بروقت اطلاع دی گئی، تاہم حکام کی جانب سے کوئی کارروائی سامنے نہیں آئی۔

مقامی افراد نے مطالبہ کیا ہے کہ اس غیر انسانی رسم کے خلاف کارروائی کی جائے اور ذمہ داروں کو قانون کے کٹہرے میں لایا جائے۔