ڈکی بھائی نے رہائی کے بعد قوم سے معافی مانگ لی

ڈکی بھائی کا کہنا تھا کہ ان کا ہمیشہ مقصد لوگوں کو انٹرٹینمنٹ فراہم کرنا تھا، تاہم اگر جانے یا انجانے میں ایسی کوئی چیز اپلوڈ ہوئی جس سے منفی تاثر پیدا ہوا تو وہ اس پر قوم سے معافی چاہتے ہیں۔ ان کا کہنا تھا کہ وہ عدالتی معاملات میں مکمل تعاون کریں گے اور کیس کا جو بھی فیصلہ ہوگا، اسے قبول کریں گے۔

اپنی ویڈیو میں انہوں نے بتایا کہ 16 اگست 2025 کی صبح ان کا دن خوشگوار انداز میں شروع ہوا تھا اور گھر میں مہمانوں کی موجودگی کے بعد وہ بیرونِ ملک ایک ایونٹ کے لیے روانگی کی تیاری میں مصروف تھے، لیکن انہیں اندازہ بھی نہیں تھا کہ اگلا دن ان کی زندگی کا مشکل ترین مرحلہ ثابت ہوگا۔

واضح رہے کہ ڈکی بھائی کو 17 اگست کو لاہور ایئرپورٹ سے جوا ایپس کے ذریعے مبینہ منی لانڈرنگ کے الزام میں حراست میں لیا گیا تھا۔ لاہور ہائیکورٹ نے انہیں 10 لاکھ روپے کے مچلکوں کے عوض 26 نومبر کو ضمانت پر رہا کر دیا تھا۔