کراچی کے علاقے اورنگی ٹاؤن میں شہری کے قتل کے بعد مشتعل ہجوم کی جانب سے مبینہ ڈاکو کو آگ لگانے کے واقعے پر پولیس نے 4 افراد کو حراست میں لے لیا ہے۔
پولیس کے مطابق اس واردات میں ہلاک ہونے والے نوجوان کے اہل خانہ کا بیان ریکارڈ کر لیا گیا جبکہ جلائے گئے شخص کے اہل خانہ کے بیانات بھی قلم بند کیے گئے ہیں۔ ابتدائی تحقیقات میں سامنے آیا ہے کہ عوام کے ہاتھوں جلائے گئے فرد کا کوئی مجرمانہ ریکارڈ پولیس کو نہیں ملا۔
حکام کے مطابق واقعہ یکم دسمبر کی صبح اورنگی ٹاؤن سیکٹر 7 ایف میں پیش آیا تھا، جہاں ایک شہری کی ہلاکت کے بعد حالات کشیدہ ہو گئے تھے۔
پولیس نے بتایا کہ اس واقعے پر سرکاری مدعیت میں 30 سے 35 نامعلوم افراد کے خلاف مقدمہ درج کر لیا گیا ہے، جبکہ گرفتار افراد سے مزید تفتیش جاری ہے۔
