سولر والوں کیلئےبڑی خوشخبری،دس ہزار روپے ملنے کا موقع!
سولر اپلائنسز کا استعمال کرنے والے صوبائی حکومت سے اب ہزاروں روپے حاصل کرسکتے ہیں جس کی تفصیلات درج ذیل ہیں۔
پنجاب کے انوائرنمنٹ پروٹیکشن اینڈ کلائمٹ چینج ڈپارٹمنٹ کی جانب سے سوشل میڈیا پر پوسٹ شیئر کی گئی ہے جس میں صوبے کی عوام کو توانائی بچانے، ماحول کو بہتر بنانے اور سولر سے منسلک آلات استعمال کرنے کی ترغیب دی گئی ہے۔
سوشل میڈیا پوسٹ میں پنجاب کے محکمہ تحفظ ماحولیات نے کہا کہ "توانائی بچائیں، ماحول سنواریں، سولر اپلائنسز استعمال کریں اور گرین کریڈٹ حاصل کریں!”
ساتھ ہی یہ بھی بتایا گیا ہے کہ سول چولہا، سولر گیزر یا انرجی سیور پنکھے کا استعمال کرتے ہوئے شہری اب ایک گرین کریڈٹ حاصل کرسکتے ہیں۔
