پاک بھارت مباحثہ،پاکستانی طلبہ کی دو تہائی اکثریت سے فتح

پاکستانی ٹیم کی قیادت اسٹوڈنٹس یونین کے موجودہ صدر موسیٰ ہراج نے کی، جن کے ہمراہ سابق صدور احمد نواز اور اسرار کاکڑ بھی موجود تھے۔ ڈیبیٹ ہال میں موجود طلبہ نے پاکستانی ٹیم کو 106 ووٹ دیے جبکہ بھارتی ٹیم کو صرف 50 ووٹ ملے۔

پاکستان ہائی کمیشن لندن کے مطابق بھارتی وفد مباحثے کے لیے مقررہ وقت پر دستبردار ہو گیا، جس کے باعث پاکستان کو بلا مقابلہ فتح حاصل ہوئی۔ ہائی کمشنر ڈاکٹر محمد فیصل، جنرل (ر) زبیر محمود حیات اور سابق وزیرِ خارجہ حنا ربانی کھر نے بھی اس مباحثے میں شرکت کی۔

بھارتی وفد کی عدم شرکت نے ان کے بیانیے کی کمزوری کو واضح کر دیا، جبکہ پاکستان نے دلیل، مکالمے اور قانونی موقف کے ساتھ بھرپور تیاری کی ہوئی تھی۔ مباحثے میں بھارتی طلبہ عوامی جذبات کو بھڑکانے والی پالیسی کے جواز پیش کرنے میں ناکام رہے۔

یہ فتح پاکستانی طلبہ کی علمی قابلیت اور مدلل دلائل کی ترجمانی ہے، جس نے آکسفورڈ یونیورسٹی میں پاکستان کے موقف کو نمایاں طور پر مضبوط کیا۔