اسلام آباد: غیر قانونی اسلحہ رکھنے کے الزام میں جے یو آئی (ف) رہنما فرخ کھوکھر گرفتار
اسلام آباد پولیس نے جمعیت علمائے اسلام (ف) کے رہنما فرخ کھوکھر کو مبینہ طور پر غیر قانونی اسلحہ رکھنے پر گرفتار کر لیا۔ پولیس کے مطابق زیرو پوائنٹ ناکے پر معمول کی چیکنگ کے دوران ان کے پاس سے ممنوعہ اسلحہ برآمد ہوا، جس کے بعد انہیں حراست میں لے کر تھانہ آبپارہ منتقل کردیا گیا۔
ترجمان پولیس کا کہنا ہے کہ اسلحے سے متعلق دستاویزات کی عدم موجودگی پر قانونی کارروائی شروع کر دی گئی ہے۔
فرخ کھوکھر چند ماہ قبل مولانا فضل الرحمان سے ملاقات کے بعد جے یو آئی (ف) میں شامل ہوئے تھے۔ وہ راولپنڈی کے سیاسی طور پر معروف کھوکھر ہاؤس سے تعلق رکھتے ہیں۔
