افغان طالبان سے اب کوئی امید نہیں رہی،خواجہ آصف کا بیان
وزیرِ دفاع خواجہ محمد آصف نے کہا ہے کہ پاکستان کو اب افغان طالبان سے کسی قسم کی توقعات نہیں ہیں۔ جیو نیوز کے پروگرام ’’آج شاہزیب خانزادہ کے ساتھ‘‘ گفتگو کرتے ہوئے انہوں نے واضح کیا کہ طالبان پر مزید اعتبار کرنا حماقت ہوگی۔
خواجہ آصف کا کہنا تھا کہ اگر پاکستان کو طالبان کے خلاف کوئی کارروائی کرنا پڑی تو اس کا اعلان کھلے الفاظ میں کیا جائے گا۔ ان کے مطابق موجودہ حالات میں افغان طالبان سے امید لگانا پاکستان کے مفاد میں نہیں۔
وزیرِ دفاع کا یہ بیان دونوں ممالک کے تعلقات اور سیکیورٹی صورتحال کے حوالے سے اہم قرار دیا جا رہا ہے۔
