پنجاب کے ضلع رحیم یار خان کی تحصیل صادق آباد میں نجی سراغ رساں کتوں کی مدد سے چوروں کا سراغ لگانے والی چار رکنی ٹیم کو ڈاکوؤں نے اغوا کرلیا۔
پولیس کے مطابق مغویوں کے اغوا کا مقدمہ انسانی ہمدردی کی بنیاد پر صادق آباد تھانے میں درج کیا گیا ہے۔ واقعہ پانچ روز قبل پیش آیا جب کھوجی کتوں اور نجی ٹیم کو اوباڑو کے علاقے سے اغوا کیا گیا۔
مغوی افراد کو بازیاب کرانے کے لیے رحیم یار خان، کشمور اور گھوٹکی کی پولیس مشترکہ طور پر کارروائیاں کر رہی ہیں، جبکہ واقعے کی تفتیش مختلف پہلوؤں سے جاری ہے۔
