انوارالحق کیخلاف عدم اعتماد کامیاب،فیصل راٹھور وزیراعظم
آزاد کشمیر کے وزیراعظم چوہدری انوارالحق کے خلاف تحریکِ عدم اعتماد اسمبلی میں کامیاب ہوگئی، جس کے بعد راجہ فیصل ممتاز راٹھور کو نیا وزیراعظم منتخب کر لیا گیا۔
تحریک میں فیصل ممتاز راٹھور کو متبادل قائد ایوان کے طور پر نامزد کیا گیا تھا۔ انہیں 36 ووٹ ملے جبکہ مخالفت میں صرف 2 ووٹ آئے۔
یہ تحریک سردار جاوید ایوب اور چوہدری قاسم مجید سمیت دیگر اراکین نے پیش کی۔
🏛️ انوارالحق کا ردعمل
- انہوں نے اپنی تقریر میں کہا کہ ایک فرد کو نظام کی خرابی کا ذمہ دار نہیں ٹھہرایا جا سکتا، کابینہ بھی ذمہ دار ہے۔
- بتایا کہ انہیں 15 فروری تک اسمبلی تحلیل کرنے کا کہا گیا تھا۔
- کہا کہ مہاجرین کی نشستیں ختم کرنے پر دستخط کرنا "سیاسی موت” ہوتی۔
- رخصتی کو ’’آزادی کا دن‘‘ قرار دیا اور کہا کہ وہ چھ ماہ پہلے ہی استعفے کا ارادہ رکھتے تھے۔
رائے شماری مکمل ہوتے ہی فیصل ممتاز راٹھور نے حلف اٹھانا ہے، جبکہ چوہدری انوارالحق عہدہ چھوڑ چکے ہیں۔
