جسٹس امین الدین خان پاکستان کی پہلی وفاقی آئینی عدالت کے چیف جسٹس مقرر
اسلام آباد: صدرِ مملکت آصف علی زرداری نے وزیراعظم شہباز شریف سے مشاورت کے بعد جسٹس امین الدین خان کو پاکستان کی پہلی وفاقی آئینی عدالت کا چیف جسٹس مقرر کر دیا۔
جسٹس امین الدین خان کل صبح 10 بجے ایوانِ صدر میں حلف اٹھائیں گے۔ حلف برداری کی تقریب میں اعلیٰ عدلیہ کے ججز، سرکاری شخصیات اور معزز مہمان شریک ہوں گے۔
ذرائع کے مطابق جسٹس امین الدین خان اس سے قبل سپریم کورٹ کے آئینی بینچ کے سربراہ کے طور پر خدمات انجام دے رہے تھے، جبکہ وہ اس ماہ کے آخر، 30 نومبر کو ریٹائرمنٹ کے قریب تھے۔
ان کی تقرری کے ساتھ ہی وفاقی آئینی عدالت کا باضابطہ قیام عمل میں آ گیا ہے۔
