جے یو آئی نے سینیٹر احمد خان کو پارٹی سے نکال دیا

جمعیت علماء اسلام (جے یو آئی) نے سینیٹر احمد خان کو 27 ویں آئینی ترمیم کے حق میں ووٹ دینے پر پارٹی سے خارج کر دیا ہے۔ جے یو آئی نے کہا ہے کہ احمد خان فوری طور پر سینیٹ کی نشست سے مستعفی ہوں، بصورت دیگر الیکشن کمیشن سے ان کی نااہلی کے لیے رجوع کیا جائے گا۔

سینیٹ نے 27 ویں آئینی ترمیم 64 کے حق میں ووٹ کے ساتھ منظور کر لی، جب کہ مخالفت میں کوئی ووٹ نہیں آیا۔ پی ٹی آئی کے سینیٹر سیف اللہ ابڑو اور جے یو آئی کے احمد خان نے ترمیم کے حق میں ووٹ دیا۔ بعد ازاں سیف اللہ ابڑو نے سینیٹ میں خطاب کرتے ہوئے مستعفی ہونے کا اعلان کیا۔