ساحر شمشاد مرزا کو سعودی عرب کے اہم اعزازسے نوازا گیا
اسلام آباد: چیئرمین جوائنٹ چیفس آف اسٹاف کمیٹی جنرل ساحر شمشاد مرزا کو سعودی عرب کا اہم اعزاز، کنگ عبدالعزیز میڈل آف آنر سے نوازا گیا۔
آئی ایس پی آر کے مطابق جنرل ساحر شمشاد مرزا نے سعودی مسلح افواج کے چیف آف جنرل اسٹاف سے ملاقات کی، جس میں عالمی و علاقائی حالات اور دوطرفہ دفاعی تعاون پر تبادلہ خیال کیا گیا۔
ذرائع کے مطابق ملاقات میں پاک سعودی دفاعی تعلقات کو مزید مضبوط بنانے پر اتفاق کیا گیا۔ سعودی فوجی قیادت نے پاک فوج کی پیشہ ورانہ مہارت اور دہشت گردی کے خلاف قربانیوں کو سراہا اور پاک سعودی بھائی چارے اور دفاعی شراکت داری کو مزید گہرا کرنے کے عزم کا اعادہ کیا۔
