فیلڈ مارشل عاصم منیر سے برطانوی آرمی چیف کی ملاقات
راولپنڈی: فیلڈ مارشل سید عاصم منیر اور برطانوی آرمی کے چیف آف جنرل اسٹاف کے درمیان جی ایچ کیو راولپنڈی میں اہم ملاقات ہوئی۔
ملاقات کے دوران دونوں جانب سے باہمی دلچسپی، دفاعی تعاون اور علاقائی سلامتی کے امور پر تبادلہ خیال کیا گیا۔
ملاقات میں دہشت گردی کے خلاف پاک فوج کی قربانیوں کو سراہا گیا اور دونوں ممالک نے دفاعی تعاون کو مزید مضبوط کرنے کے عزم کا اعادہ کیا۔
اس سے قبل برطانوی چیف آف جنرل اسٹاف نے یادرگارِ شہداء پر حاضری دی اور پھولوں کی چادر چڑھائی، جبکہ پاک فوج کے چاق و چوبند دستے نے انہیں گارڈ آف آنر پیش کیا۔
