27 ویں ترمیم:پی پی کی سینٹرل ایگزیکٹو کمیٹی کا اجلاس جاری
کراچی میں پیپلزپارٹی کی سینٹرل ایگزیکٹو کمیٹی (سی ای سی) کا اہم اجلاس جاری ہے، جس کی صدارت پی پی چیئرمین بلاول بھٹو زرداری کر رہے ہیں۔ اجلاس میں صدر مملکت آصف علی زرداری، وزیر اعلیٰ سندھ مراد علی شاہ، وزیر اعلیٰ بلوچستان سرفراز بگٹی، گورنر پنجاب سردار سلیم حیدر، گورنر گلگت بلتستان مہدی شاہ، چیئرمین سینیٹ یوسف رضا گیلانی اور گورنر خیبرپختونخوا فیصل کریم کنڈی شریک ہیں۔
اجلاس میں رضا ربانی، شرجیل میمن، سعید غنی، شازیہ مری، صابر بلوچ، عمر گورگیج، ہمایوں خان، نوید قمر، شیری رحمان اور ندیم افضل چن بھی شریک ہیں۔
ذرائع کے مطابق بعض ارکان نے 27 ویں ترمیم پر تحفظات کا اظہار کیا ہے، جبکہ فاروق ایچ نائیک آئینی امور پر اجلاس میں بریفنگ دے رہے ہیں۔
