آئندہ 15 روز کیلئے پٹرول،ڈیزل،مٹی کا تیل مہنگا

وزارت خزانہ کی جانب سے جاری کردہ نوٹیفکیشن کے مطابق پٹرول کی فی لیٹر قیمت میں 2 روپے 43 پیسے اضافہ کیا گیا جبکہ ڈیزل کی قیمت 3 روپے 2 پیسے فی لیٹر بڑھائی گئی ہے، نئی قیمتوں کا اطلاق رات 12 بجے سے ہوگیا۔

نوٹیفکیشن کے مطابق پٹرول کی فی لیٹر قیمت 2 روپے 43 پیسے اضافے کے بعد 265 روپے 45 پیسے ہوگئی جبکہ ڈیزل کی فی لیٹر قیمت 278 روپے 44 پیسے فی لیٹر ہوگی، اسی طرح مٹی کا تیل 3 روپے 2 پیسے فی لیٹر مہنگا کیا گیا جس کے بعد مٹی کے تیل کی نئی قیمت 185 روپے 5 پیسے فی لیٹر ہوگئی۔

لائیٹ ڈیزل آئل کی قیمت ایک روپے 22 پیسے بڑھنے کے بعد 163 روپے 98 پیسے فی لیٹر مقرر کی گئی ہے۔