امریکا بھارت کے درمیان 10سالہ دفاعی فریم ورک معاہدے پردستخط

امریکی وزیرِ دفاع پیٹ ہیگسیتھ کے مطابق یہ معاہدہ دفاعی تعاون، ٹیکنالوجی کے تبادلے اور معلومات کی شراکت کو مزید مضبوط کرے گا۔ انہوں نے کہا کہ یہ معاہدہ خطے میں استحکام اور مشترکہ سلامتی کے لیے سنگِ میل ثابت ہوگا۔

پیٹ ہیگسیتھ نے اس پیش رفت کو امریکا اور بھارت کے تعلقات میں تاریخی لمحہ قرار دیتے ہوئے کہا کہ دونوں افواج کے درمیان تعاون پہلے سے کہیں زیادہ گہرا اور مؤثر ہوگا۔

یہ معاہدہ ایسے وقت میں سامنے آیا ہے جب کچھ عرصے قبل دونوں ممالک کے درمیان تجارتی معاملات پر کشیدگی دیکھی گئی تھی، تاہم اب دونوں فریقین نے تعلقات کو نئی سمت دینے کا عزم ظاہر کیا ہے۔