پاکستان میں دو دہائیوں بعدآف شور تیل و گیس تلاش میں پیش رفت

پیٹرولیم ڈویژن کے مطابق لائسنسز کے پہلے مرحلے میں تقریباً 80 ملین امریکی ڈالر کی سرمایہ کاری متوقع ہے، جو ڈرلنگ کے دوران ایک ارب ڈالر تک پہنچ سکتی ہے۔

اعلامیے میں بتایا گیا کہ آف شور کے 23 بلاکس کے لیے کامیاب بولیاں موصول ہوئیں، جو تقریباً 53 ہزار 510 مربع کلومیٹر کے رقبے پر محیط ہیں۔

پیٹرولیم ڈویژن کے مطابق انڈس اور مکران بیسن میں بیک وقت ایکسپلوریشن کی حکمتِ عملی پاکستان کے لیے مؤثر ثابت ہوئی ہے۔

مزید کہا گیا کہ امریکی اسٹڈی کے مطابق پاکستان کے سمندری ذخائر میں 100 ٹریلین کیوبک فٹ گیس کے امکانات ہیں، اسی تناظر میں آف شور راؤنڈ 2025 شروع کیا گیا تھا، جس میں کامیابی ملی۔