پہلے ای چالان پر معافی کا اعلان
زیراعلیٰ سندھ نے آئی جی سندھ غلام نبی میمن کے ساتھ ملاقات میں کہا ہے کہ دوبارہ ٹریفک قوانین کی خلاف ورزی پر چالان ادا کرنا ہوگا، اور سندھ پولیس کا جدید ای ٹکٹنگ سسٹم مؤثر ثابت ہو رہا ہے۔
ملاقات میں آئی جی سندھ غلام نبی میمن نے ٹریفک قوانین کی خلاف ورزی کے حوالے سے تفصیلی رپورٹ پیش کی۔ غلام نبی میمن نے بتایا کہ پہلا ای چالان ہونے پر 10 دن کے اندر رابطہ کرکے معافی کے ساتھ فیس معاف کی جا سکتی ہے۔
دوسری جانب کراچی میں ٹریفک پولیس کی جانب سے ای چالان کی مہم زور و شور سے جاری ہے۔ حکام کے مطابق گزشتہ تین روز کے دوران کل 12 ہزار 942 ای چالان کیے گئے ہیں۔
ٹریفک پولیس کے مطابق پہلے روز 6 گھنٹے میں 2 ہزار 622، دوسرے روز 4 ہزار 301 اور تیسرے روز 5 ہزار 979 افراد کے خلاف ای چالان جاری کیے گئے۔
