پنجاب اسمبلی میں اپوزیشن کے 3 ارکان کی رکنیت بحال
لاہور: سپیکر پنجاب اسمبلی ملک محمد احمد خان نے اپوزیشن کے تین معطل ارکان کی رکنیت بحال کر دی ہے اور معطلی کا نوٹی فکیشن واپس لے لیا ہے۔
معطل ہونے والے ارکان میں میاں اعجاز شفیع امتیاز، محمود شیخ اور خالد زبیر نثار شامل ہیں، جنہیں پندرہ سیشن کے لیے ڈپٹی سپیکر کی جانب سے ایوان میں جھگڑے کے بعد معطل کیا گیا تھا۔ اس وقت سپیکر بیرون ملک کے دورے پر تھے۔
تحریک انصاف کے ارکان نے معطلی کے خلاف ہائی کورٹ سے رجوع کیا تھا۔ میاں اعجاز شفیع امتیاز نے کہا کہ وہ رول نمبر 210 کی معطلی کے خلاف عدالت میں کیس جاری رکھیں گے۔
