ٹی ٹوئنٹی ورلڈ کپ 2026 کیلئے 20 ٹیموں کی لائن اپ مکمل
آئی سی سی ٹی ٹوئنٹی ورلڈ کپ 2026 کی مکمل 20 ٹیموں کا اعلان ہوگیا۔ ایشیا پیسیفک ریجنل فائنل میں متحدہ عرب امارات نے جاپان کو شکست دے کر ایونٹ میں جگہ بنالی۔
اگلے سال بھارت اور سری لنکا میں 7 فروری سے 8 مارچ تک شیڈول ورلڈ کپ میں حصہ لینے والی ٹیموں میں سری لنکا، بھارت، پاکستان، آسٹریلیا، بنگلادیش، انگلینڈ، جنوبی افریقا، ویسٹ انڈیز، نیوزی لینڈ اور افغانستان شامل ہیں۔
دیگر کوالیفائی کرنے والی ٹیموں میں نمیبیا، زمبابوے، آئرلینڈ، کینیڈا، اٹلی، نیدرلینڈز، نیپال، عمان، امریکا اور متحدہ عرب امارات شامل ہیں۔
