باجوڑ: رکن قومی اسمبلی مبارک زیب کے گھر پر دوبارہ دستی بم حملہ ہوا ہے۔ باجوڑ پولیس کے مطابق دستی بم پھٹنے سے گاڑی کو نقصان پہنچا، لیکن کسی قسم کا جانی نقصان نہیں ہوا۔ یہ مبارک زیب کے گھر پر تیسرا حملہ ہے۔
وزیر اعظم شہباز شریف نے اس حملے کی شدید مذمت کی اور رکن اسمبلی سے دلی ہمدردی کا اظہار کیا۔ وزیر اعظم نے اللہ تعالیٰ کا شکر ادا کیا کہ حملے میں کوئی جانی نقصان نہیں ہوا اور واقعے کی فوری تحقیقات کر کے حملہ آوروں کو گرفتار کرنے کی ہدایت دی۔
