اسرائیل نے شہید فلسطینیوں کی میتیں غزہ روانہ کر دی
غزہ امن معاہدے کے تحت اسرائیل نے شہید فلسطینیوں کی میتیں غزہ بھیج دی ہیں۔ غزہ کے محکمہ صحت کے حکام نے بتایا کہ پہلے مرحلے میں موصول ہونے والی میتیں غزہ کی پٹی پہنچا دی گئی ہیں۔
ہلال احمر نے 45 فلسطینیوں کی میتیں وصول ہونے کی تصدیق کی اور کہا کہ پوسٹ مارٹم کے ذریعے اموات کی وجوہات جاننے کی کوشش کی جا رہی ہے۔
خبر ایجنسی کے مطابق اسرائیل اب تک کئی سو فلسطینیوں کی میتیں اپنے پاس رکھے ہوئے ہے، جنہیں 7 اکتوبر کے بعد اسرائیلی افواج نے ہلاک کیا تھا، اور ان میں حماس کے جنگجو بھی شامل ہیں۔
