افغان وزیرِ خارجہ نے دھماکوں کی ذمہ داری پاکستان پر ڈال دی

بھارت میں صحافیوں سے گفتگو کرتے ہوئے امیر خان متقی نے بتایا کہ ان دھماکوں میں کسی جانی نقصان کی اطلاع نہیں ملی۔ افغان حکومت نے اپنے بیان میں ڈیورنڈ لائن کے قریب پاکستان کی مبینہ بمباری کی مذمت بھی کی ہے۔

دورۂ بھارت کے دوران امیر خان متقی نے بھارتی وزیرِ خارجہ ایس جے شنکر سے ملاقات کی، جس میں بھارت نے افغانستان میں اپنے تکنیکی مشن کو سفارتخانے کا درجہ دینے کا اعلان کیا۔ اس موقع پر بھارت نے افغانستان کو 20 ایمبولینسز تحفے میں دینے کا اعلان کیا، جن میں سے 5 ایمبولینسز افغان وزیرِ خارجہ کے حوالے کی گئیں۔