لیفٹیننٹ جنرل عاصم ملک ڈی جی آئی ایس آئی کے عہدے پر برقرار

ذرائع کا کہنا ہے کہ لیفٹیننٹ جنرل عاصم ملک بدستور ڈائریکٹر جنرل آئی ایس آئی کے طور پر خدمات انجام دیتے رہیں گے، تاہم توسیع کی مدت کے حوالے سے کوئی تفصیلات جاری نہیں کی گئیں۔

لیفٹیننٹ جنرل عاصم ملک نے 30 ستمبر 2024 کو اپنے دے کا چارج سنبھالا تھا۔ وہ 80ویں لانگ کورس سے پاکستان آرمی میں شامل ہوئے اور **سورڈ آف آنر حاصل کی۔ ان کا تعلق **بلوچ رجمنٹ** سے ہے۔

وہ ماضی میں بلوچستان میں انفنٹری ڈویژن اور وزیرستان میں انفنٹری بریگیڈ کی کمان کر چکے ہیں۔ اس کے علاوہ وہ **نیشنل ڈیفنس یونیورسٹی (NDU)** میں چیف انسٹرکٹر اور **کمانڈ اینڈ اسٹاف کالج کوئٹہ** میں انسٹرکٹر بھی رہ چکے ہیں۔

لیفٹیننٹ جنرل عاصم ملک نے پاکستان کی نیشنل ڈیفنس یونیورسٹی سے **امریکا-پاکستان تعلقات** پر پی ایچ ڈی کی ڈگری حاصل کی ہے، جبکہ وہ **فورٹ لیون ورتھ (امریکا)** اور **رائل کالج آف ڈیفنس اسٹڈیز (برطانیہ)** کے گریجویٹ بھی ہیں۔

انہیں 6 اکتوبر 2021 کو لیفٹیننٹ جنرل کے عہدے پر ترقی دی گئی تھی۔ وہ عسکری تجربے، علمی قابلیت اور قائدانہ صلاحیت کے باعث پاک فوج کے نمایاں افسران میں شمار کیے جاتے ہیں۔