سپر فور مرحلہ:بھارت کا ٹاس جیت کر پاکستان کو بیٹنگ کی دعوت

ایشیا کپ ٹی 20 کے سپر فور مرحلے کے دوسرے اہم میچ میں بھارت نے ٹاس جیت کر پاکستان کو پہلے بیٹنگ کی پیشکش کی ہے۔

میچ دبئی میں جاری ہے جہاں ٹاس کے لیے بھارتی کپتان سوریا کمار یادیو اور قومی ٹیم کے قائد سلمان علی آغا میدان میں اترے۔

ٹاس کے بعد گفتگو میں سلمان علی آغا کا کہنا تھا کہ اگر ہم ٹاس جیتتے تو بولنگ کا ہی انتخاب کرتے۔ یہ ایک نیا چیلنج ہے اور ٹیم بھرپور جذبے کے ساتھ اچھی کرکٹ کھیلنے کے لیے تیار ہے۔

انہوں نے بتایا کہ آج کے میچ میں فائنل الیون میں دو تبدیلیاں کی گئی ہیں۔ حسن نواز اور خوشدل شاہ کی جگہ فہیم اشرف اور طلعت حسین ٹیم میں شامل کیے گئے ہیں۔