اڈیالہ جیل کے باہر عمران خان کی بہنوں کا احتجاج ختم
راولپنڈی: بانی چیئرمین پاکستان تحریک انصاف کی بہنیں علیمہ خان، نورین نیازی اور عظمیٰ خان اڈیالہ جیل کے قریب احتجاج کے بعد واپس روانہ ہوگئیں۔
خواتین رہنماؤں نے جیل کے قریب داہگل ناکہ پر اپنے بھائی سے ملاقات نہ کروانے پر دھرنا دیا تھا۔ پولیس حکام نے علیمہ خان کو یقین دلایا کہ ملاقات کل ممکن بنائی جائے گی، جس پر دھرنا ختم کر دیا گیا۔
یاد رہے کہ بانی پی ٹی آئی کے خلاف توشہ خانہ ٹو کیس کی سماعت کل متوقع ہے۔
