ترکیہ کا قطر پر اسرائیلی حملے پر ردعمل-یہ اقدام ظاہر کرتا ہے کہ اسرائیل جنگ کے خاتمے میں سنجیدہ نہیں۔
انقرہ: ترکیہ نے قطر میں حماس رہنماؤں پر اسرائیلی حملے کی شدید مذمت کرتے ہوئے کہا ہے کہ یہ اقدام ظاہر کرتا ہے کہ اسرائیل جنگ کے خاتمے میں سنجیدہ نہیں۔
وزارتِ خارجہ کے جاری کردہ بیان میں کہا گیا کہ جنگ بندی سے متعلق مذاکرات جاری تھے اور اسی دوران حماس کے مذاکراتی وفد کو نشانہ بنایا گیا، جو اس بات کی علامت ہے کہ اسرائیل کا مقصد امن قائم کرنا نہیں بلکہ جنگ کو طول دینا ہے۔
بیان میں مزید کہا گیا کہ یہ واقعہ اس حقیقت کو آشکار کرتا ہے کہ اسرائیل نے خطے میں اپنی توسیع پسندی اور دہشت گردی کو ریاستی پالیسی کے طور پر اختیار کر لیا ہے۔
