خاوند کوباندھ کراہلیہ سےاجتماعی زیادتی کرنےوالے ملزمان ہلاک

واضح رہے کہ حافظ آباد میں ایک ماہ قبل بااثر مسلح افراد نے ایک خاتون سے اس کے شوہر کے سامنے اجتماعی زیادتی کی تھی۔

واقعے کے ایک ماہ بعد شوہر کی مدعیت میں خاتون سے اجتماعی زیادتی کا مقدمہ درج کر لیا گیا تھا، جس میں 4  نامزد ملزمان سمیت کل  8 ملزمان شامل تھے۔

مدعی مقدمہ کے مطابق  پولیس پہلے اندراج مقدمہ پر ٹال مٹول سے کام لیتی رہی۔ ڈی پی او آفس جاتے تو وہاں تعینات ایک ملزم کا رشتہ دار ہمیں دھمکا کر وہاں سے باہر نکال دیتا۔

تاہم نا زیبا ویڈیو سوشل میڈیا پر وائرل ہونے کے بعد ڈی پی او نے نوٹس لیا اور مقدمہ درج ہو گیا۔ پولیس کا کہنا ہے کہ ملزمان کی گرفتاری کے لیے چھاپے مارے جا رہے تھے۔ اسی دوران پولیس مقابلے میں مطلوب ملزمان مارے گئے۔