لورہ کا اے ایس آئی سدھیر عباسی فرض پر قربان
لورہ ایبٹ آباد سے تعلق رکھنے والا اے ایس آئی سدھیر عباسی ڈاکوؤں کی فائرنگ سے شہید ہوکر فرض پر قربان ہو گیا
منگل کی شب ڈاکوؤں کی فائرنگ سے اسلام آباد پولیس کا ایک افسر اے ایس آئی سدھیر احمد عباسی شہید اور کانسٹیبل جعفر جہانگیر عباسی شدید زخمی ہو گیا۔
واقعہ فیض آباد میٹرواسٹیشن کے پاس پیش آیا۔ ذرائع کے مطابق
سی آئی اے اسلام آباد پولیس کی ٹیم ڈاکوؤں کی گرفتاری کے لئے ان کا پیچھا کر رہی تھی۔اس دوران
ملزمان نے پولیس ٹیم پر اندھا دھند فائرنگ کردی۔پولیس ترجمان کے مطابق پولیس کی بھاری نفری نے علاقہ کو گھیرے میں لے لیا ہے اور
ضلع بھر میں سرچ آپریشن شروع کردئیے گئے ہیں۔ جلد ملزمان کو گرفتار کرکے کیفر کردار تک پہنچایا جائے گا. شہید ہونے والے اے ایس آئی سدھیر عباسی کا تعلق ایبٹ آباد کی تحصیل لورہ سے تھا
