پی ٹی آئی کی سیاسی کمیٹی کے اجلاس میں عمران خان کی اہلیہ بشریٰ بی بی پنجاب کے پارٹی رہنماؤں پر برس پڑیں جس پر سیکرٹری جنرل سلمان اکرم راجہ نے شدید ردعمل ظاہر کرتے ہوئے استعفیٰ پیش کر دیا ،اُن کا کہنا تھا کہ ہم ہے عزتی کرانے نہیں آئے.
نجی ٹی وی کے مطابق پشاور میں سیاسی کمیٹی کے اجلاس میں عمران خان کی اہلیہ بشریٰ بی بی رہنماؤں پر برس پڑیں۔ذرائع کے مطابق بالخصوص پنجاب کے رہنماؤں کو انہوں نے بے شرم ،بے غیرت اور گدھ قرار دیتے ہوئے کہا کہ آپ لوگ کہاں غائب تھے۔اس پر پارٹی کے سیکرٹری جنرل سلمان اکرم راجہ نے کہا کہ وہ عمران خان کو جواب دہ ہیں ان کی فیملی کے کسی رکن کو نہیں اور اس کے بعد انہوں نے اپنے عہدے سے استعفی پیش کر دیا،تاہم دیگر رہنماؤں نے اُن کی کارکردگی پر اطمینان ظاہر کرتے ہوئے اُن کے استعفے کی مخالفت کی.
