چاند نظر نہیں آیا، یکم ربیع الاوّل 6 ستمبر کو ہوگی
اسلام آباد میں تاحال ربیع الاول کا چاند نظر نہیں آیا جبکہ مرکزی رویت ہلال کمیٹی کا زونل کمیٹیوں سے رابطہ جاری ہے۔
اجلاس چیئرمین مرکزی رویت ہلال کمیٹی مولانا عبدالخبیر آزاد کی زیر صدارت ہو رہا ہے جس میں سپارکو، محکمہ موسمیات، وزارتِ سائنس و ٹیکنالوجی کے نمائندے شریک ہیں۔
اجلاس میں ربیع الاوّل کا چاند نظر آنے یا نہ آنے کا اعلان کیا جائے گا۔
علاوہ ازیں زونل رویت ہلال کمیٹیوں کے اجلاس بھی مقررہ مقامات پر جاری ہیں۔
دوسری جانب لاہور سے ممبر رویت ہلال کمیٹی ممبر شفیق پسروری کا کہنا تھا کہ ربیع الاوّل کا چاند 3 ستمبر کو صبح 6 بجے پیدا ہوچکا۔ چاند نظر آنے کے امکانات بہت زیادہ ہیں۔
انہوں نے بتایا کہ چاند کی عمر 36 گھنٹے سے زیادہ ہوچکی، مطلع جزوی ابر آلود ہے، لاہور میں چاند نظر آنے کے امکانات کم ہیں۔
انکا کہنا تھا کہ گوادر، بلوچستان کی ساحلی پٹی پر مطلع صاف ہے اور چاند نظر آنے کے امکانات زیادہ ہیں۔
